Policia e Durrësit shpall në kërkim katër persona që rrëmbyen dhe dhunuan një 48-vjeçar
Policia e Durrësit ka shpallur në kërkim katër persona, pasi dyshohet se kanë marrë me forcë në automjet një 48-vjeçar dhe e kanë dhunuar.
Pas kallëzimit të bërë nga i dëmtuari, Denis Simaku, policia identifikoi autorët e dyshuar: Anderson Kodra, Klerjan Kodra, Jaho Kodra dhe Samuel Puja, të gjithë banues në Durrës. Ata janë shpallur në kërkim, ndërsa është sekuestruar edhe automjeti i përdorur gjatë ngjarjes.
Aktualisht, 48-vjeçari ndodhet nën kujdesin e mjekëve dhe është jashtë rrezikut për jetën.
Nga hetimet paraprake ka rezultuar se konflikti ka nisur për shkak të një vendi parkimi mes Simakut dhe babait të njërit prej autorëve. Ky i fundit ka njoftuar djemtë, të cilët janë paraqitur menjëherë në studion fotografike të Simakut, e kanë marrë me forcë në automjet dhe e kanë dhunuar. Në fund, e kanë lënë pranë një depoje uji në zonën e Spitallës.
