Libri i kujtimeve të ish-kancelares gjermane Angela Merkel me titull “Liria. Kujtimet 1954 – 2021″ do të publikohet në fund të nëntorit, tre vjet pas përfundimit të mandatit të saj 16-vjeçar, njoftoi sot shtepia e saj botuese.
Merkel, e cila drejtoi Unionin Kristiandemokrat (CDU), përballoi një sërë krizash gjatë kohës së saj në detyrë, duke përfshirë fluksin e lartë të migrantëve në Evropë në 2015 dhe pandeminë e Covid-19.
Ish-kancelarja e shkroi librin me këshilltaren e saj politike, Beate Baumann.
“Libri do të shfaqet në mbarë botën në mbi 30 vende”, njoftoi shtëpia botuese.
Sipas shtëpisë botuese “Kiepenheuer & Witsch”, libri tregon jetën e Merkelit në dy shtete gjermane – 35 vjet në Gjermaninë Lindore komuniste dhe 35 vjet në Gjermaninë e ribashkuar.
