- Sot Presidenti Begaj dekretoi rektorët e rinj, dalë pas zgjedhjeve të 21 Qershorit. Në 90% të rasteve, rektorët garuan të vetëm, pa kandidatura përballë.
Edhe pse në mëngjes u publikuan fakte se si kreu i shtetit, Bajram Begaj ka mbrojtur titullin "profesor i asociuar" me punim plagjaturë, në mesditë, "hëngri turpin me bukë" teksa dekretoi "kolegët" , rektorët e rinj.
Në "paradën" mesditës presidenti Begaj, shoqëruar nga ministrja e Arsimit, Orgerta Manastirliu, e kapur dhe ajo me plagjaturë në punimin të saj shkencor, dorëzuan çelësat e arsimit shqiptar rektorëve të rinj, disa prej të cilëve kanë gjithashtu punime plagjaturë. Madje ndër t'a i rizgjedhur në krye të Universitetit të Tiranës, spokat Artan Hoxha, po me plagjaturë.
Në njoftimin për media Presidenca sqaron se: "Në mbështetje të nenit 92, shkronja “g”, nenit 93 të Kushtetutës së Republikës së Shqipërisë, nenit 39, pika 8 e ligjit nr. 80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, si dhe mbi bazën e rezultateve të zgjedhjeve për organet dhe autoritetet drejtuese në universitetet publike, përcjellë nga Ministri i Arsimit dhe Sportit, dekretova emërimet e rektorëve të universiteteve publike".
Nga zgjedhjet akademike mbajtur në qershor për rektor, dekanë dhe për senatin akademike, 90% prej tyre ishin në garë si kandidatë të vetëm. Teksa fituesit, shumica prej tyre ishin me afilacion politik, pranë mazhorancën qeverisëse.
Në Universitetin e Tiranës u rizgjodh rektor Artan Hoxha.
Në Fakultetin e Mjekësisë rektor u zgjodh prof. Xheladin Draçini me shumicë absolute.Në Universitetin e Arteve rektor u zgjodh Erald Bakalli.
Në universitetin e Politeknikut është zgjedhur rektor prof. Akil Fundo.
Në Universitetin Bujqësor u rizgjodh Fatbardh Sallaku.
Në Universitetin e Sporteve do të jetë sërish rektor edhe për 4 vite të tjera Agron Kasa.
Në Universitetin “Luigj Gurakuqi” në Shkodër u zgjodh rektor Tonin Gjuraj.
Në Universitetin “Fan Noli” Korçë u zgjodh rektor i ri Lorenc Ekonomi.
Në universitetin "Ismail Qemali" në Vlorë u zgjodh rektor Aurela Saliaj.
Në Universitetin “Aleksandër Moisiu” Durrës mandatin 4-vjeçar për rektor të këtij universiteti e ka fituar pedagogu dhe ish-dekani Shkëlqim Fortuzi.
Në Universitetin e Elbasanit “Aleksandër Xhuvani” u zgjodh rektore Elvira Fetahu. Në Universitetin “Eqrem Çabej” të Gjirokastrës, Jaho Canaj.
