Mungesa e ilaçeve tek spitali Onkologjik vijon të mbetet një shqetësim për pacientët që trajtohen nga kanceri. Gazetari Osman Stafa bën me dije se aktualisht dy medikamente irinotekani që shërben për trajtimin e kancerit në zorrën e trashë dhe Carboplatine që përdoret për trajtimin e kancerit të vezoreve vazhdojnë të mungojnë tek Onkologjiku.
Gazetari shprehet se shqetësimi është ngritur nga mjekët e këtij spitali, të cilët shprehen se këto ilaçe nuk gjenden në farmaci pasi janë medikamente spitalore që duhet t’i sigurojë Ministria e Shëndetësisë.
Reagimi i plotë i gazetarit Osman Stafa:
SI MUND TË JENI KAQ TË QETË?
PO I LINI NJERËZIT ME KANCER PA TRAJTIM.
A NUK JU VRET KJO?
AKTUALISHT,
2 medikamente kimio vazhdojnë mungojnë në ONKOLOGJIK.
1. IRINOTEKANI - medikament kimio i cili shërben për trajtimin e kancerit të zorrës së trashë. Medikament shumë i rëndësishëm.
2. CARBOPLATINE - Përdoret për trajtimin e kancerit të avancuar të vezoreve.
TË SËMURËT ME KANCER QË TRAJTOHEN ME KËTO ILAÇE NUK PO MARRIN TRAJTIMIN.
Mjekët e Onkologjikut, më thonë që situata është shumë e rëndë. Mjekët nuk janë përgjegjës për sigurimin e ilaçeve kimio, është Ministria e Shëndetësisë.
Kimiot janë ilaçe të cilat nuk gjendet në farmaci, por janë medikamente spitalore që sigurohen nga Ministria e Shëndetësisë.
Nëse pacienti se merr kimion siç duhet, dhe sipas protokollit, nuk i jep asnjë rezultat pozitiv.
Edhe Jodi Radioaktiv, vazhdon mungesë që prej janarit të këtij viti. Gati 9 muaj.
Pacientët me kancer të tiroides janë pa mjekim.
Ajo që po ndodh me kurimin e këtyre sëmundjeve është krim.
