Papa Françesku, gjatë fjalimit të tij përpara studentëve të Universitetit Katolik të Louvain, nënvizoi rolin e rëndësishëm të gruas në Kishë. Ai theksoi se dhuna dhe padrejtësitë shoqërohen me paragjykime ideologjike, duke bërë thirrje për një reflektim më të thellë mbi këtë çështje.
Ati i Shenjtë deklaroi gjithashtu se Kisha është “femër”, por nuk duhet parë si një “kompani shumëkombëshe”. Ai shtoi se karakteristikat e grave nuk duhet të përcaktohen nga konsensusi apo ideologjitë, duke vlerësuar rolin unik dhe të pazëvendësueshëm të tyre në jetën shpirtërore të Kishës.
Ekziston “dinjiteti” i cili “është një e mirë e paçmueshme” që “asnjë ligj njerëzor nuk mund ta japë apo heqë”, tha Françesku.
Duke u nisur nga kjo “kultura e krishterë përpunon gjithmonë rishtas, në kontekste të ndryshme, thirrjen dhe misionin e burrit dhe gruas dhe qenien e tyre të ndërsjellë për njëri-tjetrin, në bashkësi. Jo njëri kundër tjetrit, në pretendime të kundërta, por për njëri-tjetrin”.
Papa në fund përfundoi me një shprehje: “Gruaja është më e rëndësishme se burri, por është e shëmtuar kur ajo dëshiron të jetë burrë”.
