Një aksident tragjik ajror në Korenë e Jugut ka shkaktuar deri tani 122 viktima, ndërkohë që pritet që numri i të vdekurve të arrijë në 179. Aksidenti ndodhi rreth orës 9 të mëngjesit, sipas orës lokale të Koresë së Jugut, kur një avion i linjës Jeju Air, me 181 pasagjerë në bord, u përplas me një mur gjatë uljes në pistë. Pamjet që janë shpërndarë nga mediat tregojnë momentin e përplasjes dhe shpërthimin e flakëve pas aksidentit.
Sipas hetimeve të para, shkaku i tragjedisë ka qenë përplasja e avionit Boeing 737-8AS me zogjtë gjatë fluturimit, çka ka shkaktuar një defekt në sistemin e rrotave të tij. Fluturimi 7C2216 i Jeju Air, që po kthehej nga Bangkok, Tajlandë, kur ndodhi rrëzimi, ishte në një rrugë fluturimi verilindor mbi Tajvan, sipas të dhënave nga Flight Radar.
Në bord ndodheshin 173 koreano-jugorë, dy qytetarë tajlandezë dhe gjashtë anëtarë të ekuipazhit. Rrëzimi ndodhi në Aeroportin Ndërkombëtar Muan, në jug të Koresë së Jugut, në orën 9:03 të mëngjesit me orën lokale, dhe deri tani janë raportuar 122 viktima.
