Ajo që sot u finalizua nga hetimi i SPAK në Universitetin Bujqësor dhe përfundoi me firmosjen e 24 urdhra arresteve me burg, arrest shtëpie dhe detyrim për paraqitje, për abuzime me tendera është denoncuar më herët nga media dhe shoqëri civile.
Rigels Xhemollari drejtor i Qendrësës Qytetare risjell një denoncim të tre viteve më parë, ku sipas tij, UBT ka blerë një blender për 2500 euro dhe janë magazinuar mbetje në vlerën e 100.000 eurove, këto vetëm në letra dhe jo realisht.
Statusi Sepse personi që kontrollon tenderët e universitetit është administratori i tij. Administratori zgjidhet nga Bordi i Administrimit, ku shumicën e përbërjes së tij e ka Ministria e Arsimit. Pra, 4 anëtarët dhe administratori janë persona të lidhur me qeverinë. Për shembull, në krye të Bordit të UBT është Arta Dollani, drejtoreshë e përgjithshme e Agjencisë Kombëtare të Mjedisit, ndërsa administratori është Edmond Terthorja.
Arta, Edmondi dhe vartësit e tyre kanë blerë një blender për 2500 euro, ndërkohë që vlera e tij reale ka qenë vetëm 250 euro. Po ashtu, në UBT janë magazinuar kimikate në vlerën e 100,000 eurove vetëm në letra dhe jo realisht, sipas Prokurorisë.
Kjo sipas tij, ka ndodhur pasi "Ligji u ka hequr stafeve akademike të drejtën për të menaxhuar fondet dhe ia ka kaluar atë njerëzve që nuk kanë lidhje me arsimin".
