Pas dyshimeve të ngritura se policia ka fshehur të vërtetën lidhur me dhunimin e Eglantin Progës, që më pas humbi jetën, drejtori I Përgjithshëm I Policisë së Shtetit urdhëron inspektim ne policinë e Korcës.
Hetimi per të përcaktuar nëse janë zbatuar procedurat apo ka patur përpjekje per të fshehur të vërterën për shkak se autori I dyshuar është familjar I një ish-zyrtari policie. Policia e Pogradecit reagoi më herët lidhur me këtë cështje duke deklaruar se është zbatuar ligji dhe se autori I dyshuar dhe 3 personat që e ndihmuan per të fshehur të vërtetën janë arrestuar.
Njoftimi i Policisë
Drejtori i Përgjithshëm i Policisë së Shtetit urdhëron inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit
Bazuar në Rregulloren e Policisë së Shtetit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën një 42-vjeçar.
Drejtoria e Standardeve Profesionale në Drejtorinë e Përgjithshme të Policisë së Shtetit do të vlerësojë të gjithë tërësinë e veprimeve dhe reagimit të punonjësve të policisë, prej momentit të parë të marrjes së njoftimit mbi ngjarjen, duke synuar nxjerrjen e përgjegjësisë dhe personave përgjegjës, nëse rezultojnë të tillë.
Drejtoria e Përgjithshme të Policisë së Shtetit shpreh edhe një herë angazhimin maksimal për zbatimin e ligjit dhe punën profesionale dhe me integritet të strukturave të policisë.
