Nga data 1 shtator e këtij viti, punonjësit e bashkive të Shqipërisë do të përfitojnë pagën e re të rritur në llogaritë e tyre.
Përfitues do të jenë specialistët dhe përgjegjësit sektorëve në bashki, të cilët do të përfitojnë një pagë nga 40% deri në 100% më të lartë.
Ministri i Shtetit për Pushtetin Vendor Arbjan Mazniku njoftoi pas mbledhjes së Qeverisë se rritja e pagave është pjesë e një reformimi më të gjerë në pushtetin vendor, e cila përfshin edhe ristrukturimin e mënyrës së organizimit të stafit të bashkisë si dhe unifikimin e nivelit të pagave në të gjitha bashkitë, pavarësisht madhësisë së tyre.
