Ministrja e Shtetit për Marrëdheniet me Parlamentin, Elisa Spiropali dhe kreu i PD, Lulzim Basha, kanë replikuar në Kuvend lidhur me kerkesën e PD për t’u hequr imunitetin politikaneve. Spiropali lëshoi akuza në drejtim të Bashës, ku tha se ndonëse flet për vettingun e politikanëve ishte ai që braktisi zgjedhjet dhe nuk votoi ligjet për reformën në drejtësi.
“Ju flisni për vettingun e politikanëve atëherë kur ishit në kalë se sot nuk keni gjë që të dëshmoni, se nuk bëtë gjë atëherë. Ju vetë keni shpëtuar me procedurë nga hetimet me gjykime. Si kishit ju në dorë, por babai juaj politik. Ju mbroheshit me gardianët e drejtësisë së vjetër që i kishit nën kontroll.” - tha Spiropali.
Ndwrsa kryetari i PD, Lulzim Basha u shpreh se Spiropali, i doli për zot faktit kur tha se nuk duan që t’i fusin në rendin e ditës amendamentet e PD për SPAK, as ligjin për vetingun e politikanëve dhe as heqjen e imunitetit të parlamentarëve. Ai shton se Spiropali, ashtu si shefi i saj, është gati të shpikë histori jo vetëm të 12-15 viteve më parë, por të shkojë deri tek ilirët dhe pellazgët për të treguar se ata e kanë fajin për korrupsionin 11 vjecar të kësaj qeverie. Kreu i PD thekson se Prokuroria e Posaçme ekziston vetëm për shkak të korrupsionit të Edi Ramës dhe qeverisë së tij.
“Ja që i dole për zot kot pikave dhe qëndrimeve, sepse ndonëse je aty si kryetare e Kuvendit, është e qartë që vetëm zbaton vendimin e atij të ka dhënë urdhër. i doli për Zot Elisa kur tha që ne nuk duam t’i fusim në rendin e ditës. As amendamentet që forcojnë SPAK-un, as ligjin për vettingun e politikanëve, as heqjen e imunitetit të parlamentarëve dhe për këtë njësoj si shefi i saj është gati, sipas versionit të saj sigurisht, shpik historira jo vetëm 12 vite e 15 vite përpara, por do shkojë tek pellazgët dhe ilirët për të na treguar që ata e kanë fajin për korrupsionin 11 vjeçar të kësaj qeverie që është arsyeja e vetme pse ekziston SPAK-u. SPAK-u ekziston për shkak të korrupsionit të Edi Ramës dhe qeverisë së tij, nuk ka arsye tjetër që të ekzistonte SPAK-u. Ndaj, unë përsëris dhe njëherë thirrjen, meqë e pranuat që nuk jeni ju që i fusni në procedurë parlamentare, sepse nuk doni të merrni përsipër votën kundër vettingut të politikanëve, kundër heqjes së imunitetit të parlamentarëve, kundër amendamenteve për SPAK-un, që të paktën të dilni siç dolët ju sot publikisht që t’i thoni shqiptarëve ne duam një komitet koti që mos t’i kthejmë përgjegje shqiptarëve pse nuk votojmë amendamentet e PD për të forcuar, për të fuqizuar SPAK-un. Pse nuk duam të votojmë propozimet e PD për vettingun e politikanëve zonja Spiropali, është projektligj në Parlament dhe ju nuk e fusni në kalendarin e Parlamentit. Sepse nuk doni ta sillni në parlament e të votoni projketvendimin për heqjen e imunitetit të parlamentarëve. Këto janë 3 propozime konkrete, janë tre ligje. Njëri ka që në 24 prill në Kuvend, dy të tjerët kanë që në mes të nëntorit në Kuvend. Sado të futesh në historira në arkeologjira sipas mendjes tënde, shqiptarëve u ke borxh ti dhe shefi yt, t’i thoni haptazi: ne nuk duam ta votojmë ligjin për vetingun e politikanëve” – tha Basha.
