Të hënën, Këshilli i Lartë i Prokurorisë njoftoi zhvillimin e një seance plenare, në finale të së cilës pritet të vendose nëse do ti ndërpresë ose jo mandatin Alfred Ballës, pas vendimit të Kolegjit të Posacëm të Apelimit që e shkarkoi nga detyra.
Alfted Balla u zgjodh anëtar i KLP-së nga Parlamenti si pjesë e Shoqërisë civile dhe mori drejtimin e qeverisë së pokurorëve, për shkak se ligji parashikon që ky institucioon duhet drejtuar nga anëtarët që vijnë nga jashtë radhëve të sistemit.
Balla ka ushtruar më herët detyrën e këshilltarit ligjor në Gjykatën e Lartë dhe duke qenë se ishte larguar para nisjes së procesit të vettingut, Komisioni i Pavarur i Kualifikimit vendosi ta përfundojë procesin pa vendim përfundimtar, pasi nuk e konsideronte subjekt rivlerësimi.
Pas ankimit që bëri Komisioneri Publik në KPA, shkalla e dytë e vettingut vendosi shkarkimin e tij dhe urdhëroi që 15 vitet e ardhshme, Alfred Balla s’mund të bëhej pjesë e institucioneve të drejtësisë. Pas këtij vendimi, KLP do të vendosë nëse do ta lejojë të jetë në krye të institucionit apo ti ndërpresë mandatin. Balla pretendon se ai duhet të vijojë detyrën, për shkak se është i zgedhur nga radhët e shoqërisë civile.
NJOFTIMI Njoftim për media i Z.Alfred Balla aktualisht në detyrë kryetar i KLP-së. Duke u nisur nga interesi i gazetarëve dhe i publikut pas vendimit të KPA-së, më duhet personalisht të sqaroj; Nisur nga fakti që KLP-ja nuk kishte të programuar mbledhje për vendimarrje këtë javë apo javës që vjen; Fakti që 9 anëtarë të Këshillit kanë qenë deri sot për vizitë pune jashtë shtetit; Nuk ishte e domosdoshme dhe realizueshme mbledhja e Komisionit përkatës dhe e Këshillit në mënyrë urgjente. Nga ana tjetër në analizë të përmbajtjes së vendimit të KPA-së (shkurtim pasi ende nuk është zbardhur i plotë) të venë në dispozicion vlerësoj se: Nuk ka analizuar e vërtetuar fakte që të bënin të diskutueshme zgjedhjen time si anëtar jomagjistrat i KLP-së, për të pasur vend për tu zbatuar neni 149/ b i Kushtetutës. Gjithsesi, javës që vjen është planifikuar mbledhje e Komisionit dhe e Këshillit dhe ky problem do të analizohet e vlerësohet nga vetë Këshilli i Lartë i Prokurorisë. Dua të theksoj se, mua më ka mbaruar mandati kushtetues 5 vjeçar dhe po qëndroj në detyrë, për shkak të parashikimit kushtetues, deri në emërimin e personit që do më zëvendësoj. Ky spjegim është i nevojshëm, për mos krijimin e situatave abuzive, referuar vendimit të KPA-së dhe efektit që ai ka mbi një organ tjetër kushtetues, pasi nuk është në interes të publikut.
