Drejtori i Përgjithshëm i Tatimeve Ceno Klosi ka dhënë dorëheqjen. Mësohet se Klosi pritet të marrë një detyrë si zv.ministër në kabinetin qeveritar. Ndërsa në vendin e tij, pritet të emërohet nën drejtoresha aktuale e tatimeve, Elidjana Çelaj.
“I nderuar Zoti Minister.
Duke ju falenderuar per bashkpunimin e deritanishem, dhe duke besuar ge kontributi im si Drejtor i Pergjithshem i Tatimeve ka dhene rezultate ne permiresimin e veprimtarise se Administrates Tatimore, si ne drejtim te rritjes se treguesve ekonomike me rreth 50% ashtu dhe ne drejtim te
permiresimit te klimes se bashkepunimit me biznesin, nepermjet kesaj shkrese, ju bej me dije se jap dorehegen me efekt te menjehershem nga pozicioni i Dretorit te Pergjithshem te Tatimeve” – shprehet Klosi në dorëheqjen e tij.
Kujtojmë se Klosi është nën hetim nga SPAK ku po hetohet për dy vepra penale, atë për pastrim parash dhe fshehje të ardhurash.
Ndaj Ceno Klosit janë depozituar në SPAK dy kallëzime penale, ku njërën prej tyre e ka depozituar një deputet, ndërsa tjetrën një qytetar i thjeshtë.
Më herët KLSH kishte kërkuar shkërkimin nga detyra të Ceno Klosit kur ai ishte në krye të Agjencia e Ujësjellës Kanalizimeve dhe të OSHEE. Por në vend të shkarkohej, sipas rekomandimit të KLSH-së, qeveria aktuale e ka ngritur në detyrë.
Ndërkohë akuza ndaj tij janë bërë edhe nga ish-drejtoresha e tatimeve, Briseida Shehaj, sipas së cilës klosi ka vënë pasuri të pajustifikuar dhe për këtë ai duhet të përgjigjet.
