Mendohej se Jeff Bezos po hynte zyrtarisht në një kapitull të ri të jetës së tij të shtunën e 28 dhjetorit duke u martuar me Lauren Sanchez por tani ai i ka mohuar raportimet. Çifti nuk do të lidhë kurorë në Aspen, Kolorado, pesë vjet pas zbulimit të lidhjes së tyre të diskutueshme që i dha fund martesës së 60-vjeçarit me MacKenzie Scott, në një ndarje që i kushtoi atij mbi 35.6 miliardë dollarë aksione në Amazon.
Raportet thanë se dasma do të mbizotërohej nga periudha festive e vitit, duke shfaqur një temë dimërore me drita vezulluese dhe një dekor të ngrohtë festash për të magjepsur të pranishmit, të cilët do të ftohen edhe për sushi në restorantin Matsuhia. Të ftuarit do të përfshijnë disa nga miqtë më të famshëm të Bezos si Bill Gates i Microsoft, i cili ka mbi 100 miliardë dollarë, si dhe Mbretëresha Rania e Jordanisë dhe Leonardo DiCaprio, sipas PageSix.com.
Tani, vetë Bezos ka postuar në Twitter se raportimet janë të rreme dhe se nuk ka dasmë që do të bëhet javën e ardhshme. “Për më tepër, e gjithë kjo është krejtësisht e rreme - asgjë nga këto nuk po ndodh. Fjala e vjetër ‘mos besoni gjithçka që lexoni’ është edhe më e vërtetë sot se kurrë. Tani gënjeshtra mund të përhapet në të gjithë botën përpara se e vërteta. Pra, jini të kujdesshëm njerëz”, shkruan në Twitter.
