Njeriu i letrave shqipare, Ismail Kadare ndërroi jetë këtë të hënë në moshën 88 vjeçare.
Kadare është një ndër personalitet qendrore të kulturës shqiptare. Fillimet e tij letrare janë kryesisht në poezi.Në fushën e prozës, Ismail Kadare ka lëvruar tregimin, novelën dhe romanin. Veprat e tij janë përkthyer e botuar në mbi 45 gjuhë të huaja dhe është shkrimtari shqiptar më i njohur në botë.
Ai është laureat i shumë çmimeve. Në 2005, Ismail Kadare fitoi çmimin “The Booker Prize Man”. I. Kadare është dekoruar me Urdhrin “Nderi i Kombit” dhe nga shteti francez me urdhrat “Kryqi i Legjionit të Nderit”, si dhe me mirënjohje të tjera.
Njeriu i letrave shqiptare, në fakt kaloi kufirin, por për vendin ka shkruar publikisht këto 3 letra të hapura.
Letra e parë është drejtuar Enver Hoxhës në 1980. Arsyeja sipas Kadares ishte motra e tij.
"Kjo letër është shkruar pasi më kanë thirrur në Komitetin Qendror për të më njoftuar se “motra juaj do të ishte sot në burg, po të mos ishte motra juaj”. Më është thënë se shoqet e saj, një grup shoqesh, janë të gjitha në burg. U thashë se nuk di asgjë. I pyeta pse. Më thanë se flisnin kundër regjimit e, veçanërisht, kundër Enver Hoxhës" tha Kadare i cili e quajti të motrën me probleme psiqike pasi ajo foli kundër regjimit. Ai më vonë sqaroi se po e mbronte sipas tij.
Letra e dytë publike i është dërguar Lulzim Bashës, ku i kërkonte të tërhiqej nga gara për kryetar bashkie.
"Do t’ju propozoja një gjest , që, sot për sot është i rrallë, gati i përjashtuar nga jeta politike shqiptare : tërheqjen nga kandidimi për kryetar bashkie. Do të shtoja se kjo nuk është çështje preference për ju, çështje afërsije etj. Dhe aq më pak nuk është sfidë ndaj kundërshtarit tuaj politik. " shkruante Kadare i cili nëpër rreshtat e letrës thekson se është i paanshëm, por megjithatë merr guximin ti kërkojë të tërhiqet që të zgjidhej Rama.
Letra e tretë publike nga Ismail Kadare është në mbrojtje të Romana Vllahutin.
Në një letër publike, Kadare shprehet se është madje i gatshëm t’i kërkojë ndjesë në gjunjë, por e siguron se mirënjohja ndaj saj do të jetë e pacënueshme.
"Më lejoni t’ju drejtohem me këtë letër krejtësisht personale, për tronditjen që më shkaktoi sot fyerja e paskrupullt që u bë publikisht kundër jush në shtypin shqiptar." i shkruante Kadare Vllahutin.
Kolosi i letërsisë Kadare lartësoi emrin e Shqipërisë në botë me veprat e tij të pëkthyera me mbi 45 gjuhë, por gjatë jetës së tij Kadare si intelektual për vendin ka shkruar vetëm 3 letra dhe pse shqiptarët sot thonë u nda nga jeta njeriu i letrave shqipatare
