Degradimi i debatit mes avokates Enida Bozheku dhe inxhinierit Arben Meçe - një rast i përsëritur i pasqyrimit të debatit publik në Shqipëri!
Ndërsa kanë qenë duke debatuar për skandalin tek Spitali Onkologjik dhe përgjegjësinë e mjekëve, fyerjet kanë precipituar deri në momentin kur Arben Meçe ka etiketuar Bozhekun si “prostitutë”.
Ky fjalor denigrues, transmetuar live nga ABC News është një tjetër skandal në vazhdën e banaliteteve, shfaqjeve seksuale dhe fyerjeve publike në TV shqiptare.
AMA duhet të reagojë urgjent lidhur me këtë shfaqje të shëmtuar në një kohë kur para TV kanë qenë dhe fëmijë. Por a mjafton kjo? A mundet që drejtuesi i emisionit, vetë televizionet dhe gazetarët në studio ta lejojnë këtë spektakël të shëmtuar duke mos mbajtur qëndrim. Ose së paku të mbyllin transmetimin?
Mesa duket nevoja për klikime është më e fortë se etika. Dhe këtë problem nuk e zgjidh dot me polici dhe rregulla, por vetëm me profesionalizëm. Që për fat të keq mungon dhe nga ata që e quajnë veten profesionistë!
