Një grua ka sjellë në jetë fëmijën e saj të parë në moshën 61-vjeçare. Ngjarja e pazakontë ka ndodhur në Shkup,në Maqedoninë e Veriut ku gruaja lindi në Klinikën e Gjinekologjisë dhe Obstetrikës. Ajo është tani gruaja më e moshuar në vend që ka sjellë një fëmijë për herë të parë në këtë moshë.
Mediat njoftojnë se gjendja e nënës dhe e foshnjës është e qëndrueshme. Gruaja kishte kaluar një numër të konsiderueshëm procedurash të fertilizimit in vitro, duke iu nënshtruar kësaj procedure 10 herë në të kaluarën. Sipas autoriteteve, babai i foshnjës është 65 vjeç.
