Dy persona u vranë me armë zjarri në një lokal në Klinë, Kosovë.
Sipas mediave në Kosovë, viktimat janë kushërinjtë Albison Shlivova dhe Rexhep Shlivova, ndërsa autori dyshohet të jetë 19-vjeçari Jon Hoti, djali i ish-kandidatit të LDK-së për kryetar të Klinës, Besim Hoti.
Policia ka arrestuar të dyshuarin dhe po e merr në pyetje për ngjarjen. Fillimisht u raportua se njëri nga të qëlluarit kishte humbur jetën në vend, ndërsa tjetri ishte dërguar në Spitalin e Pejës në gjendje të rëndë. Më vonë, u konfirmua se edhe i plagosuri i dytë ka ndërruar jetë.
