Jemi në prag të festave të fundvitit dhe hedhja e fishekzjarreve duhet të bëhet vetëm nga qeverisja vendore, pra bashkitë. Janë këtë institucioneve që në mbarë vendin organizojnë hedhjen e kontrolluar të lëndëve piroteknike. Por përkundrejt organizimit që detyrimisht i takon bashkive të bëjnë në natën e ndërtimit të vitit. Në fakt në Shqipëri dhe sidomos në kryeqytet lëndet piroteknike, fishekzjarre dhe kapsolla hidhen gjatë vitit, nga të gjithë, madje edhe nga fëmijët. Sidomos këto kohë, në prag të festave të Krishtlindjeve dhe Vitin e Ri, kudo nëpër rrugë e rrugica të Tiranës fëmijët hedhin kapsolla. Për shumë kënd do ishte çudi sesi bien në duart e tyre, pasi ligji nuk e lejon shitjen e lëndëve piroteknike për moshat nën 16 vjeç, por ja që ata arrijnë t'i blejnë. Në fakt, nga disa verifikime të VNA-së, lëndë të tilla mund të gjenden lehtësisht në çdo treg të vendit. Edhe pse jo në shitje hapur, por gjenden dhe iu shiten edhe fëmijëve. Këto veprime nuk bien në sy të Policisë dhe as nuk arrihen të ndalohen.
Në një kohë që shitja dhe përdorimi nga fëmijët i kapsollave dhe fishekzjarreve është totalisht e ndaluar.
Përdorimi i këtyre lëndëve mund të jetë tejet i rrezikshëm për fëmijet pasi jo vetëm rrezikojnë dëmtime por vënë në rrezik serioz edhe qytetarë të tjerë, të cilët kurrsesi nuk kanë pse rrezikohen prej tyre.
