Thomas Strakosha nuk e fsheh identitetin e tij, përkundrazi e thekson me krenari. I lindur dhe rritur në Athinë, portieri kuqezi pranon se shumë shqiptarë në Greqi zgjedhin të mos e tregojnë origjinën e tyre, por ai ka bërë gjithmonë të kundërtën.
“Takoj shpesh fëmijë në Akademinë e AEK. Ata vijnë dhe më thonë se janë shqiptarë. Kjo më bën krenar. Unë e respektoj Greqinë, origjina ime është nga Himara dhe jam krenar që jam shqiptar”, u shpreh Strakosha për Athletico.gr.
Në podcast-in ku ishte i ftuar, Strakosha foli edhe për babain e tij, Foto Strakosha, duke ndjekur gjurmët e një familjeje të lidhur fort me portën. Karrierën e nisi te APOEL në Nicosia, për të vijuar më pas te Panionios në Athinë dhe Lazio në Romë, ku debutoi si profesionist dhe qëndroi për 9 vite në Serie A. Më pas u transferua në Angli te Brentford.
Në vitin 2024 u rikthye në Athinë, duke firmosur për AEK, skuadër ku aktivizohet edhe sot. Aktualisht, Thomas Strakosha renditet ndër 5 portierët më të suksesshëm në 15 kampionatet kryesore, duke e mbajtur portën e paprekur në 22 ndeshje në të gjitha kompeticionet gjatë vitit kalendarik.
