Klodian Gjoka vendosi që në rrjetin e tij social në TikTok të reklamonte një orë, e cila nëse do të ishte vërtet e markës që ai pretendonte vlera e saj shkonte deri në 200 mijë euro.
Ky reklamim në rrjetin social u bë shkak që ai të binte pre e grabitjes. 3 javë më parë, ai po udhëtonte me makinën e tij, kur një tjetër makinë i preu rrugën dhe e detyruan që të futej në një rrugicë.
Aty i marrin orën dhe më pas i hedhin çelësat e makinës dhe largohen. Nga kamerat e sigurisë autorët e dyshuar shfaqen teksa lëvizin në rrugicat e Paskuqanit dhe deri më tani nuk janë identifikuar.
Tik-tokeri ka deklaruar në polici se personat mbanin në makinë sinjalistikë policie dhe se në fakt ora që i grabitën nuk ishte një mall luksi, por fake.
