SPAK shpall pretencën për Evis Berberin dhe kërkon dënimin me 10 vite burgim. Për shkak të gjykimit të shkurtuar, i ulet një e treta e dënimit. Po ashtu, SPAK kërkoi si dënim plotësues heqjen e së drejtës për të ushtruar funksione publike për 5 vite.
Ish-kreu i Autoritetit Rrugor Shqiptar akuzohet për korrupsion, pastrim parash e fshehje pasurie, shpërdorim detyre dhe shkelje të barazisë në tendera.
Prokuroria kërkoi edhe konfiskimin e parave të gjetura gjatë kontrolleve në shtëpinë e ish-vartësit të Belinda Ballukut. Bëhet fjalë për 15 mijë euro, 35 mijë paund dhe 1 milion lekë. U kërkua gjithashtu edhe konfiskimi i pasurive të Berberit.
