Pas vendimit unifikues të Gjykatës së Lartë për masat e sigurisë, kryebashkiaku i Tiranës, Erion Veliaj, i cili po gjykohet për 13 akuza penale i drejtohet me rekurs Gjykatës së Lartë.
Ai kërkon zëvendësimin e masës së sigurisë “arrest me burg” me një masë më të lehtë, sikurse është lirimi përmes garancisë pasurore apo detyrim për paraqitje.
Ndërsa SPAK këmbëngul që ai të mbahet në paraburgim se ka rrezik të prishë provat dhe intimidojë dëshmitarët.
Veliaj po gjykohet në GJKKO për akuzat e korrupsionit, pastrimt të parave, fshehjes së pasurisë e shpërdorimit të detyrës.
