Një ngjarje e rëndë ka tronditur qytetin e Korçës, ku një 78-vjeçar është gjetur i vdekur brenda banesës së tij.
Sipas policisë, viktima ka një dëmtim në kokë, ndërsa nuk përjashtohet pistë e aksidentit, duke sugjeruar se mund të ketë rënë dhe goditur kokën, çka mund të ketë shkaktuar vdekjen. Megjithatë, hetimet vazhdojnë dhe po shqyrtohen dy pista: ajo e vrasjes dhe pista e aksidentit. Mësohet se i moshuari ishte i divorcuar dhe jetonte vetëm në banesë prej 25 vitesh. Ai ka katër fëmijë, ku dy prej tyre jetojnë në Korçë, ndërsa dy të tjerët jashtë vendit.
Policia po vijon hetimet për të përcaktuar rrethanat e sakta të ngjarjes.
