Kryeministri izraelit, Benjamin Netanyahu, deklaroi se Evropa ka “shumë për të mësuar” nga Izraeli, duke e akuzuar kontinentin për një “dobësi të thellë morale”.
Duke folur gjatë ceremonisë zyrtare të Ditës së Përkujtimit të Holokaustit në Izrael, Netanyahu tha se Evropa e ka humbur aftësinë për të dalluar qartë mes “të mirës dhe të keqes”.
“Evropa sot është e prekur nga dobësi e thellë morale. Ajo ka shumë për të mësuar nga ne, veçanërisht mësimin thelbësor të dallimit të qartë moral midis të mirës dhe të keqes”, u shpreh ai.
Sipas tij, momentet si ky i tanishmi kërkojnë vendosmëri dhe gatishmëri “për të shkuar në luftë për hir të asaj që është e mirë, për hir të jetës”.
Netanyahu shtoi gjithashtu se Evropa po humbet aftësinë për të mbrojtur “identitetin dhe vlerat e saj”, ndërsa pretendoi se Izraeli po mbron jo vetëm veten, por edhe Evropën dhe “qytetërimin kundër barbarizmit”.
