Irani ka njoftuar se ka rikthyer kontrollin e plotë mbi Ngushticën e Hormuzit, pasi sipas Teheranit Shtetet e Bashkuara vazhdojnë të mbajnë një bllokadë detare në këtë zonë strategjike.
Komanda qendrore ushtarake Khatam Al-Anbiya bëri të ditur në një deklaratë të cituar nga agjencia Tasnim se, në bazë të marrëveshjeve të arritura më herët gjatë negociatave, Republika Islamike e Iranit kishte pranuar “me mirëbesim” të lejonte kalimin e një numri të kufizuar cisternash nafte dhe anijesh tregtare përmes Ngushticës së Hormuzit në mënyrë të kontrolluar.
Megjithatë, sipas deklaratës, amerikanët “me historinë e tyre të përsëritur të mosrespektimit të angazhimeve” kanë vazhduar të kryejnë “akte banditizmi dhe piraterie” me justifikimin e një të ashtuquajture bllokade.
Për këtë arsye, njofton komanda iraniane, kontrolli i Ngushticës së Hormuzit është rikthyer në gjendjen e mëparshme, nën menaxhimin dhe kontrollin e rreptë të forcave të armatosura të Iranit.
