Gjykata e Parisit ka urdhëruar lirimin e ish-presidentit francez Nicolas Sarkozy, pas përfundimit të seancës dëgjimore të zhvilluar të hënën pasdite. Sarkozy, i cili kishte kaluar 20 ditë në burg, i përshkroi ato si një “makth”, ndërsa tashmë do të jetë nën mbikëqyrje gjyqësore.
Në vendimin e gjykatës përfshihet edhe ndalimi për ish-presidentin që të ketë kontakte me ministrin e Drejtësisë, Gérald Darmanin, i cili e kishte vizituar në burg në fund të tetorit — takim që shkaktoi kritika të forta, kryesisht nga radhët e trupës gjyqësore.
Sipas mediave franceze, Sarkozy pritet të largohet nga burgu “Sante”, në qendër të Parisit, gjatë ditës së sotme. Prokuroria kishte propozuar më herët para Gjykatës së Apelit të Parisit lirimin e tij nga qelia, duke e vlerësuar masën aktuale si të mjaftueshme për vijimin e hetimeve.
