Dy pengje thuhet se u humbën nga krahu i armatosur i Hamasit gjatë operacioneve ushtarake izraelite në dy lagje të qytetit të Gazës.
Siç njoftoi Hamasi, pengjet janë Matan Angrest dhe Omri Miran. Në një deklaratë, Brigadat al-Qassam thanë se i kishin kërkuar Izraelit të ndalonte sulmet ajrore për 24 orë, duke filluar nga ora 18:00, në një pjesë të Qytetit të Gazës, me qëllim largimin e të gjithë pengjeve nga rreziku. Tanket izraelite po përparojnë më thellë në lagjet rezidenciale të qytetit të Gazës, ndërsa autoritetet lokale shëndetësore thonë se nuk janë në gjendje t’u përgjigjen dhjetëra thirrjeve të dëshpëruara, duke shprehur shqetësim për fatin e civilëve në zonat e prekura. Dëshmitarë okularë dhe punonjës shëndetësorë raportojnë se tanket izraelite kanë thelluar sulmet e tyre në lagjet Sabra, Tel Al-Haëa, Sheikh Radëan dhe Al Nasser, duke iu afruar qendrës dhe zonave perëndimore të qytetit të Gazës, ku qindra mijëra njerëz janë strehuar.
Sipas ushtrisë izraelite, në 24 orët e fundit, forcat ajrore goditën 140 objektiva ushtarake në të gjithë Gazën, duke përfshirë luftëtarë dhe infrastrukturë ushtarake. Të paktën pesë persona u vranë në një sulm ajror në zonën Al Nasser të Gazës, thanë autoritetet lokale shëndetësore. Mjekët raportuan 16 vdekje të tjera në sulmet ndaj shtëpive në Gazën qendrore, duke e çuar numrin e të vdekurve sot në të paktën 21.
Në një deklaratë të lëshuar më vonë, Ministria e Shëndetësisë e Gazës tha se të paktën 77 persona ishin vrarë nga zjarri izraelit në 24 orët e fundit.
