Dy automjete janë bllokuar nga anëtarë të shtabit të PD-së në qendër Maqellarës dhe ngrihen pretendime për shit blerje të votes.
Zyrtarisht policia tha se brenda dy automjeteve janë 4 persona, por kontrolli i tyre do të bëhet në momentin që do të mbërrijë drejtuesi i prokurorisë së Dibrës.
Policia ndodhet në vendin e ngjarjes dhe ka rrethuar dy makinat ndërsa prezente janë dhe strukturat e PD-së.
Sipas PD njëra nga makinat është e kryebashkiakut të Matit Agron Malaj që është kandidat për deputet për PS. Automjeti tjetër sipas PD është i nje biznesmeni.
Në Dibër është caktuar prokurori i Posaçëm Elvin Gokaj, i cili po komunikon me strukturat.
