Ish-kryeministri shqiptar i Malit të Zi, Dritan Abazović, në një deklaratë për RTS (Radio-Televizionin e Serbisë), ka bërë të ditur se do të ndjekë ndeshjen e sotme mes Serbisë dhe Anglisë në Euro 2024 në stadium, duke shprehur mbështetjen e tij për Serbinë.
Abazoviq e dha këtë deklaratë ndërsa po e ndiqte ndeshjen mes Italisë dhe Shqipërisë mbrëmë.
“Nesër në mbrëmje do të jem në stadiumin e Gelsenkirchen, duke brohoritur për Serbinë kundër Anglisë. Shpresoj se është koha për befasinë e parë të madhe, edhe një barazim dhe do të ishte rezultat i mrekullueshëm, por pse të mos besoni se Anglia mund të rrëzohet”, tha Abazoviç.
Ish-kryeministri i Malit të Zi tha se beson në kalimin e Serbisë në fazën tjetër të garës.
“Nesër është testi më i madh, nëse shkon mirë, mendoj se do të jetë një ecuri e madhe. Serbia ka individë të mrekullueshëm, mendoj se më në fund do të tregojnë se janë një ekip i madh”, tha Abazoviq.
