Një ngjarje tragjike ka ndodhur ditën e sotme në Bulqizë, ku një 80-vjeçar ka humbur jetën si pasojë e një zjarri që përfshiu banesën e tij.
Viktima, Xhevdet Cara, ndodhej i vetëm në shtëpi në momentin e zjarrit, pasi bashkëshortja e tij kishte dalë më herët, ndërsa fëmijët jetojnë jashtë shtetit.
Tymi i dendur që dilte nga dritaret është pikasur nga fqinjët, të cilët kanë njoftuar menjëherë shërbimin zjarrfikës. Ekipi i emergjencës ka ndërhyrë për të shuar flakët dhe ka arritur të nxjerrë të moshuarin nga banesa, por ai ndodhej në gjendje të rëndë.
80-vjeçari u transportua me urgjencë në spitalin e Bulqizës, por fatkeqësisht nuk ka mundur t’u mbijetojë plagëve të marra. Autoritetet po hetojnë shkaqet e zjarrit.
