Sekretari amerikan i Mbrojtjes, Pete Hegseth, deklaroi se forcat e Shteteve të Bashkuara do të kryejnë sot numrin më të madh të sulmeve ndaj Iranit që nga fillimi i operacionit ushtarak.
“Sot do të jetë volumi më i madh i goditjeve që nga dita e parë e këtij operacioni,” tha Hegseth, duke përsëritur një paralajmërim që e ka bërë edhe më parë gjatë konfliktit.
Ai shtoi se përshkallëzimi pritet të vazhdojë edhe më tej. “Nesër do të ketë edhe më shumë se sot. Pastaj Irani ka një zgjedhje,” u shpreh ai.
Deklarata duket se lidhet me ultimatumin e presidentit amerikan Donald Trump ndaj Teheranit për të rihapur Ngushticën e Hormuzit, një nga korridoret më të rëndësishme të transportit të naftës në botë.
Paralajmërimi i Pentagonit sinjalizon një intensifikim të mundshëm të operacioneve ushtarake në rajon, ndërsa tensionet mes SHBA-së dhe Iranit mbeten në nivele të larta.
