Mbrëmjen e 19 shtatorit, Një 74-vjecare telefonoi në sallën operative të policisë dhe denoncoi për dhunë djalin dhe nusen e tij.
“Më kanë goditur. Kam shenja në fytyrë e trup”, iu tha pensionistja oficerëve të policisë.
74-vjecarja mbërriti më pas në komisariat dhe bëri denoncimin.
Policia konstatoi se e moshuara kishte shenja nxirjeje që pretendoi se i ishin shkaktuar nga goditjet e të birit.
E.M. u arrestua nga policia për akuzën e dhunës në familje. “Nuk e kam dhunuar nënën. Nuk është mirë dhe shpesh bie”, tha ai.
Ndërkohë bashkëshorten e E.M, policia e procedoi në gjendje të lirë, për akuzat e “dhunës në familje dhe “Mbajtje e armëve të ftohta”.
Gruaja do të hetohet në gjendje të lirë, për shkak se ka fëmijë të mitur, për të cilët nuk ka kush të kujdeset. Policia plotësoi kërkesë për urdhër mbrojtje për 74-vjeçaren, ndërsa u pajis me vendim mjeko-ligjor, për të provuar nëse është dhunuar. Një rast i ngjashëm ndodhi më herët në Shkodër kur një e moshuar u dhunua nga i biri dhe nusja e tij dhe dhunuara u ndihmua nga fqinjët pasi ata nuk i dhanë as ndihmë.
