Prokuroria e Elbasanit përfundoi hetimet dhe pritet të dorëzojë për gjykim dosjen penale ndaj 12 ish-zyrtarëve të burgut të sigurisë së lartë Peqin, në qelitë e të cilit Sokol Mjacaj ekzekutoi bashkëvuajtësin e tij Arben Lleshi.
Mes të pandehurve është edhe ish-drejtori i burgut, Kamber Hoxha.
Ish-zyrtarët, të cilët janë në gjendje të lirë, akuzohen për veprën penale të shpërdorimit të detyrës, pasi dyshohen se nuk kanë marrë masat për të parandaluar futjen në burg të sendeve të ndaluara, sic ishte pistoleta që Mjacaj përdori për të kryer vrasjen.
Ndërkohë hetimet për Mjacajn janë duke vijuar në drejtimin e identifikimit të urdhëruesve të vrasjes së Arben Lleshit. Mjacaj, i dënuar me burgim të përjetshëm për vrasjen e dy turistëve cekë, rrezikon sërish dënimin maksimal, pasi është provuar katërcipërisht që në momentet e para që ai e kreu krimin. Hetuesit deri në këtë momente nuk kanë mundur të identifikojnë urdhëruesit dhe financuesit e atentatit, ndonëse familja Lleshi ishte në hasmëri me familjen Hoxha. Arben Lleshi ekzekutoi në Britaninë e Madhe Agim Hoxhën dhe i dogji trupin. Pas asaj ngjarje, dy xhaxhallarët e Agim Lleshit janë vrarë dhe dy kushërinj të parë janë zhdukur pa gjurmë. Në fund u qëllua për vdekje ne qelinë e burgut të sigurisë së lartë Peqin edhe vetë Arben Lleshi.
