Sektori për Hetimin e Narkotikëve dhe Trafiqeve të Paligjshme, në bashkëpunim me Forcën e Posaçme Operacionale dhe nën drejtimin e Prokurorisë së Elbasanit, ka finalizuar operacionin policor të koduar “Fictitious”.
Si rezultat, janë arrestuar 13 shtetas dhe janë proceduar penalisht 5 të tjerë, të dyshuar për mashtrim ndaj shtetasve të huaj përmes një skeme investimesh në bursa fiktive.
Gjithashtu, është shpallur në kërkim administratori i subjektit “call center”, ku zhvillohej kjo veprimtari e paligjshme.
Gjatë operacionit, policia ka sekuestruar njësi kompjuterike, celularë, dy laptopë dhe një pajisje DVR, që shërbenin për këtë aktivitet mashtrues.
Hetimet vijojnë për të identifikuar dhe ndaluar persona të tjerë të përfshirë në këtë skemë mashtrimi.
