Fotot më lart janë zbuluar në komunikimet në Sky EÇ mes anëtarëve të grupit kriminal të drejtuar nga Kristo Qirici, vëllai i biznesmenit të vrarë në 2022 Edmond Papa dhe Eldjan Alushaj. Në këto foto, shfaqet një nga anëtarët e grupit kriminal me bazë në Sarandë, Xhino Nebi, teksa ndodhet në kapanonin ku mbaheshin sasitë e hashashit, që më pas trafikoheshin drejt Greqisë.
Kristo Qirici i shkruan Eljdan Alushaj dhe e pyet: A janë tharë mirë dhe se kur do i nisin? Alushaj i përgjigjem: U thanë mirë dhe humbën 3 kg. Alushaj i dërgon foto të shtetasit Xhino Nebi, i cili shfaqet në një magazinë bashkë me persona të tjerë, ku duket se po paketojnë thasë me kanabis.
Grupi kriminal ka trafikuar sasi të mëdha të hashashit dhe me favorizimin e zyrtarëve të policisë, Shkëlzen Ruska, shef krimesh në Himarë, Ervis Alisinanaj, shef krimesh në Lushnje, të cilët janë arrestuar, Besmir Dërvishi shef i policisë kufitare Himarë, që është shpallur në kërkim.
Erdit Hazizaj, ish-oficer i forcës së Posacme Operacionale dhe kandidat për kryebashkiak në Roskovec i koalicionit Bashkë Fitojmë, del po ashtu në komunikime direkte me Qiricin, kreun e grupit.
Ky grup është në përplasje të fortë me grupin e Aleksandër Sadikaj i njohur si Sanco që u ekzekutua në afërsi të TEG me shpërthim eksplozivi dhe grupin e Adriatik Kalemit dhe janë shkaktuar shumë viktima nga konflikti mes tyre që dyshohet të ketë nisur për shkak të prishjes së pazareve të drogës.
