Agron Qoli një prej të akuzuarve për përfshirje në vrasjen e Fatmira Dedës, bashkë me Petrit e Festim Qolin është përplasur ashpër me Nuredin Dumanin, vrasësin me pagesë që ka vendosur të bashkëpunojë me drejtësinë dhe të rrëfejë dhjetra krime të rënda.
“Ti shkove në varrimin e Fatmira Dedës, ti i ke pagujt varrimin me leket e Festim Qolit”, i tha Nuredim Dumani, të pandehurit Agron Qoli.
Ky i fundit deklaroi më pas se “mes meje dhe Nuredin Dumanit ka një dallim të madh. Ndërkohë që ky i lutej zotit që të vriste ndonjë dhe te merrte ndonje lek, unë i lutesha zotit që të gjeja punë, të fitoja para për vetën familjen dhe lutesha të mos më lëndohej ndonjë punonjës në punë”. Agron Qoli pretendon se ska qenë i pranishëm në ngjarje dhe ska asnjë lidhje me krimin.
Pas përplasjes mes të dyve, Nuredin Dumani deklaroi se Festim Qoli i premtoi 40 mijë euro dhe po ashtu të përfshihej në trafik kokaine. Ai më pas debatoi dhe më Petrit Qolin po ashtu i akuzuar për vrasjen e gruas.
“E dija që Petrit Qoli merrej me biznes. 30 mije euro mi ka dhënë Petrit Qoli, disa ditë pas ngjarjes. 10 mije euro i mora paradhënje, nga Festim Qoli”, tha Dumani.
Petrit Qoli reagoi menjëherë dhe sfidoi Dumanin të tregojë se kush ishte dëshmitar i takimit mes tyre. “Një dëshmitar të më gjejë unë dua varje franceze në gijotinë”, tha Petrit Qoli.
“Ky ka ndërtuar xhami, por me hyp maj minares është rrezik se bie poshtë. Ky ka ndihmu njerëz, po ka ndihmu edhe një turk në 2014 të shkonte në fund të detit por sja di emrin atij turkut. Fatmira Deda që ditën 1 kur u vra djali i saj Ervis Deda ose Losha, ajo bënte përgjegjës të dy vëllezrit Petrit dhe Festim Qoli”, tha Dumani.
