Kompania farmaceutike CFO Pharma është sulmuar me armë. Persona të paidentifikuar kanë qëlluar me breshëri plumbash në drejtim të fasadës së jashtme të biznesit që ndodhet në rrugën dytësore të autostradës Tiranës-Durrës.
Në fasadë duken shenjat e plumbave, ndërsa për fat të mire, nuk ka të lënduar.
Ngjarja ka ndodhur rreth orës 02:00 të mëngjesit dhe policia ka nisur hetimet për identifikimin e autorëve.
CFO Pharma është në pronësi të biznesmenit Nadir Çausholli. Ky I fundit ka qenë disa herë në telashe me drejtësinë.
Tiranë/Informacion paraprak
Rreth orës 08:10, në sallën operative të DVP Tiranë, ka ardhur njoftimi se në rrugën dytësore të autostradës “Durrës – Tiranë”, gjatë natës, dyshohet se është qëlluar me armë zjarri në drejtim të fasadës së një ndërtese.
Nga të shtënat janë shkaktuar vetëm dëme materiale.
Grupi hetimor, në drejtimin e Prokurorisë, po punon për identifikimin dhe kapjen e autorit/ëve dhe për zbardhjen e rrethanave të rastit.
