17 vite pas tragjedisë së Gërdecit ende përgjegjësit për 26 të vrarë dhe qindra të plagosur nga shpërthimi i fabrikës së demontimit të armëve, nuk janë ndëshkuar nga drejtësia.
Në një proces vite më parë u dënua ish-drejtori i Meicos Ylli Pinari, çbiznesmeni Mihal Delijorgji e disa ish-ushtarakë.
Dënimet ishin tejet të ulëta dhe familjarët e viktimave, sidomos Zamira Durda, nëna e një fëmije të vrarë mesditën e 15 marsit 2008 ka protestuar gjithmonë dhe kërkon drejtësi.
Me kërkesë të familjes Durda SPAK ka marrë të pandehur ish-ministrin e Mbrojtjes Fatmir Mediu, i cili po vijon përballjen me drejtësinë.
Prokuroria e Posaçme po vijon hetimet për tragjedinë e Gërdecit në drejtim të korrupsionit qeveritar të Sali Berishës, por deri më tani nuk ka rezultate dhe nëse këto rezultate nuk do të vijnë krimi shteteror i Gërdecit siç e cilësoi Gjykata e Strasburgut do të mbetet i pahetuar dhe i pandëshkuar.
Tragjedia e Gërdecit mori jetën e 26 qytetarëve dhe qindra të tjerë u plagosën, ndërsa dëmet materiale kapës shifrën e miliona eurove.
