Spanja ka eleminuar Gjermaninë nga Euro 2024 dhe është kualifikur në gjysmëfinale. La Rohat mundën gjermanët në një ndeshje që i pati të gjitha, ose siç u cilësua si finale e parakohshme.
Spanjollët e filluan ndeshjen me menjëherë në sulm ndeshje, duke shkaktuar drithërima te kundërshtarët, me anë të Pedrit, i cili u detyrua ta lërë lojën në minutën e 8 pas goditjes në gju që mori nga Kros. Ndërkohë “Pancerat” nga ana tjetër tentuan në në minutën e 10-të, por finalizimi nuk ishte i duhuri.
Yamal provoi nga goditja e dënimit në minutën e 14, duke i shkuar shumë afër golit. Ndërsa në të 20-ën, rradhën e pati Havertz, me koordinim perfekt me kokë por gjuajtja ishte qëndrore.
Ndeshja u zhbllokua në pjesën e dytë, dhe ishte Spanja e para që shënoi me Olmon pas një kombinimi të mirë me Yamal. Gjermania shtoi presionin dhe zhvendosi kundërshtarin në gjysmëfushën e vetë. Rast të shkëlqyer pati Havertz, i cili u gjet me topin në këmbë dhe portierin e Spanjës të dalë nga porta por s’pati shënjestrën e duhur për të mbyllur një herë e mirë llogaritë e takimit.
Goli i barazimit erdhi për gjermanët në limite të kohës së rregullt, ku Florian Virtz çoi peshë zemrat e tifozëve në minutën e 89 dhe goli i tij dërgoi sfidën në shtesë.
Pas shtesës me raste nga të dyja ekipet, dhe gjithçka dukej se po shkonte drejtë 11-metërshave, një aksion në minutën e 119, Marino shfrytëzoi më së miri asistin e Olmos duke e çuar me kokë topin në rrjet duke i dhuruar biletën Spanjës për në gjysmëfinale. Tashmë Spanjollët do jenë në pritje të përballjes Francë-Portugali, për të mësuar kundërstarin në ndeshjen e rradhës.
