Argjentina është skuadra e parë që kualifikohet në çerekfinalet e Kupës së Amerikës, duke eleminuar Ekuadorin në një ndeshje të vështirë.
Rezultati i kohës së rregullt përfundoi në shifrat 1-1, ndërsa Argjentina shënoi e para me Lisandro Martinez dhe u barazua nga Rodriguez në të 92-tën.
Kështu rradha ishte te 11-metërshat, pasi ky kompeticion nuk është me kohë shtesë. I pari për argjentinasit ishte Messi që do godiste, por gaboi duke tentuar një panenka me topin që preku traversën dhe shkoi jashtë kuadratit.
Por Emiliano Martinez edhe në këtë përballje tregoi paraqitje spektakolare, i cili priti dy penalltitë pasardhëse të Ekuadorit, duke dërguar të tijtë në gjysmëfinalen e Kupës së Amerikës, aty ku Kampionët e Botës do të përballen me fituesin e çiftit Venezuelë-Kanada.
