SPAK ka dërguar për gjykim ish-kryetarin e Bashkisë Shkodër, Bardh Spahia, i cili akuzohet për pengim të ekzekutimit të vendimeve gjyqësore. Dosja e tij u depozitua në gjykatë më 26 shkurt, ndërsa sot ai u paraqit në GJKKO për seancën paraprake.
Spahia u kallëzua nga ish-drejtori i Ujësjellësit të Shkodrës, Mark Molla. Sipas hetimeve të SPAK, në korrik të vitit 2022, në cilësinë e kryetarit të Asamblesë së Përgjithshme të Ujësjellës-Kanalizimeve Shkodër, Spahia ka marrë dy vendime për shkarkimin e administratorit Mark Molla dhe emërimin e Arvit Bushatit në këtë post.
Tashmë çështja do të kalojë në gjykim, ku Spahia do të përballet me akuzat e ngritura nga Prokuroria e Posaçme.
