Kreu i PD Sali Berisha në protestën e sotme poshtë ballkonit të tij, Berisha tha se fallsifikimi i dokumenteve u bë nga dogana shqiptare, nga miku i Edi Ramës, Gent Gazheli. Sipas tij kodet janë falsifikuar nga institucionet shqiptare.
“A ka akt më të madh fallsifikimi, akt kërcënimi më të madh për jetën e qytetarëve shqiptar sesa institucionet shtetërore të ndryshojnë kode e lëndëve jotoksike duke i vendosur në ngarkesat e lëndëve toksike. Kjo do të thotë të vendosësh etiketën e sheqerit, orizit aty ku janë helmet, toksinat…dhe krim më makabër se ky nuk mund të bëhet” - tha Berisha.
Ndryshe nga mbrëmë Berisha nuk e përmendi KURUM ndërsa kompaninë Sokolaj e krahasoi me rolin e Stela Gugalles tek inceneratorët.
Por edhe pse denoncon drejtorin e Doganës së Durrësit dhe me atë rast sulmon edhe Altin Dumanin që nuk po heton, Berisha dhe të vetët nuk kanë çuar asnjë dosje në SPAK për këtë skandal.
