Edi Rama refuzoi sot të dilte në një interpelancë me Partinë Demokratike për të diskutuar kërkesat e protestuesve.
I përgatitur për këtë, Gazment Bardhi mbajti një fjalim kritik ndaj tij në Kuvend, duke thënë se e kishte të qartë se pse kryeministri nuk u paraqit.
“Si do ta mbronte Paketën e Maleve, që legalizon zaptimin e pronës shtetërore me 1 euro, që e kthen pronën publike në privilegj të padrejtë privat dhe që klientët e Edi Ramës, në fund, i shpërblen edhe me përjashtime të gjera nga taksat për 10 vjet? Si do t'i mbronte ndryshimet në ligjin për trashëgiminë kulturore, të cilat e trajtojnë atë si pengesë për betonizimin?”
Ndonëse të gjitha pyetjet e ngritura mund të jenë legjitime, Gazment Bardhi harron një detaj të vogël. Nisma “Shqipëria 1 euro” u themelua nga Berisha gjatë qeverisjes së tij, dhe Rama e trashëgoi me kënaqësi, duke gëlltitur të gjitha kritikat që i kishte bërë kur vetë ishte në opozitë.
Kështu, edhe Bardhi, ka harruar si qeverisnin demokratët, siç na kërkon ne të harrojmë kohën kur liderit të sotëm të tij, dikur i drejtohej si “Babai i Xenit”.
