Ervin Salianji i është përgjigjur sërish Sali Berishës pas akuzave që hodhi ndaj, pasi në selinë e PD për rikonfirmimin e tij në krye të selisë blu. Berisha e cilësoi Salianjin si të kapur nga krimi dhe se ai nuk mund të ishte pjesë e Partisë Demokratike, pasi sipas Berishës, partia që drejton ka një ndarje të qartë nga krimi.
Por në një reagim në Facebook, Salianji e akuzon Berishën se po manipulin procesin zgjedhor dhe se deri më tani nuk kanë votuar as 1 mijë anëtarë. Ish deputeti democrat thotë se rikonfirmimi Sali Berishës është vijim i paktit midis tij dhe Edi Ramës.
Postimi i plotë i Salianjit
Pergjigje për Sali kolltukun;
për njeriun më e dhimbshme se humbja është poshtërimi, qesharakëzimi dhe përbuzja përmes talljes.
Sot je kthyer në simbolin e votimit pa garë, uzurpatorit pa zgjedhje dhe pa dinjitet politik, vrasesin e shpreses se qytetarëve për ndryshim!
Deri tani, në të gjithë Shqipërinë nuk kanë marrë pjesë as 1000 anëtarë. Do t’i faktoj me prova reale sa ka qenë pjesëmarrja dhe si po përgatitesh t’a manipulosh atë me shifra false.
Meqë e ke me qejf; Je i pashpresë. Frika nga gara të çoi në uzurpimin e Partisë Demokratike dhe në aleancë të hapur me Ramën për të forcuar regjimin Rama-Berisha. Demokratët nuk t’a pranojnë më modelin e partisë private, ku votohet pa zgjedhje dhe përjashtohet kush mendon ndryshe.
Bashkë me demokratët do ta çmontojmë regjimin Rama-Berisha dhe do të rrëzojmë praktikat puniste të votimit farsë, që poshtërojnë pluralizmin dhe mbajnë peng opozitën shqiptare.
Falenderime pafund për qindra demokratë që me sjellin me foto fletët e votimit dhe mijëra të tjerë që e kanë përbuzur farsën duke e bojkotuar!
