Energjia elektrike është rikthyer në Durrës pas një ndërprerjeje që zgjati rreth një orë. Shkak për këtë ndërprerje ishte rënia e linjës 220 kV, që la pa tension NST Spitalle dhe zona të tjera si Rrashbulli.
Sipas Operatorit të Sistemit të Transmetimit (OST), linja kryesore e tensionit të lartë u stakua papritur, duke shkaktuar ndërprerjen e energjisë elektrike në disa zona të qytetit. Ndërhyrja për riparimin e defektit u krye brenda një ore, duke rikthyer furnizimin dhe duke shmangur përkeqësimin e situatës.
Megjithatë, episode të tilla ngrejnë shqetësime mbi gjendjen e rrjetit energjetik në Shqipëri. Kjo situatë dëshmon se ende kemi një rrjet elektrik të dobët që vuan mungesën e investimeve dhe mirëmbajtjes së duhur.
