Një ngjarje e rëndë ka ndodhur sot rreth orës 18:40 në një bar pranë një karburanti në Orikum, Vlorë. Një konflikt mes dy personave ka përfunduar me përdorimin e armës së zjarrit, duke lënë të plagosur 29-vjeçarin S. V., i cili po merr ndihmë mjekësore në spital dhe ndodhet nën kujdesin e mjekëve.
Sipas njoftimit të Policisë së Vlorës, autori i dyshuar, shtetasi Q. B., është larguar nga vendi i ngjarjes dhe aktualisht është në kërkim. Shërbimet e Policisë kanë rrethuar zonën dhe po punojnë për kapjen e tij.
Grupi hetimor, nën drejtimin e Prokurorisë, ka nisur hetimet për zbardhjen e rrethanave të kësaj ngjarjeje, që dyshohet të ketë ndodhur për motive të dobëta.
