Policia vijon kërkimet për kapjen e Lamit, pasi dyshohet se organizator i vrasjes së Lulzim Vishës 48-vjeçar në Zall Mner tri ditë më parë.
Policia ka arrestuar si të dyshuar për vrasjen edhe Eduart Lamin, djalin e xhaxhait të Ervis Lamit. Sipas hetuesve krimi dyshohet të ketë motive pronësie, pasi mes Ervis Lamit dhe Vishës kishte përplasje të forta për një sipërfaqe të madhe prone që e pretendonin të dy. Megjithatë, hetuesit janë duke verefikuar edhe pista të tjera, sic është ajo e gjakmarrjes, pasi Besnik Visha, vëllai i viktimës Lulzim Visha kishte vrarë në 1997 Refik Domin dhe familjet asnjëherë nuk ishin pajtuar.
Por dalja në skenë e emrit të Ervis Lamit, në shtëpinë e të cilit pas vrasjes u gjet një armë me silenciator, duket se e ndryshon tërësisht rrjedhën e ngjarjes. Ervis Lami, është i skeduar për krime të rënda. Ai jo vetëm ndihmoi të dënuarin me burgim të përjetshëm Admir Tafili të arratisej nga burgu i Drenovës, por pas asaj ngjarje, dyshohet të jetë përfshirë në krime të rënda. Hetuesit dyshojnë se ai është njeriu që është i përfshirë në rrëmbimin e Leonard Thodhorit i njohur si “Koçole” dhe Fatmir Sulovari alias Fatmir Krasniqit në Sarandë. Lami dyshohet se lidhje e Eldjan Allushit, që dyshohet të ketë urdhëruar rrëmbimin e më pas dyshohet dhe vrasjen e tyre. Ai dyshohet të jetë përfshirë edhe në rrëmbime të tjera, të cilat nëse vendos ti rrëfejë mund të implikojnë në krime personazhe të rëndësishme të botës së krimit, por jo vetëm.
