Sot opozita u zhvendos në protestën e saj të 19-të para Bashkisë së Tiranës. Për gati një orë disa dhjetëra qytetarë protestua para bashkisë, ndërsa nuk pati incidente dhe as djegie gomash.
Kërkesë e opozitës ishte sërish dorëheqja e kryebashkiakut Erion Veliaj dhe ndalja e tij para drejtësisë. Ndryshe nga 18 protestat e kaluara Veliaj ishte në zyrë në kohën kur u zhvillua tubimi i opozitës.
Sot mungoi dhe një nga drejtuesit kryesorë të kësaj proteste Belind Këlliçi. Nuk dihet nëse është mungesë e përkohshme e tij apo protestat pa ndonjë rezultat të dukshëm po shkojnë drejt shuarjes.
