Sot në mbledhjen e qeverisë është marrë vendim për ndryshimin e ligjit "Për urdhrin e mjekut". Ministrja e Shëndetësisë, Albana Koçiu bëri me dije se ndryshimet synojnë luftimin e konfliktit të interesit dhe prekin kryesisht mjekët dhe shefat e shërbimeve.
Ndryshimet konsistojnë në:
- Bërjen publike dhe transparente për të gjithë informacionin për të gjithë profesionistët e shëndetësisë që punojnë në strukturat publike sa i takon angazhimeve të tyre private.
- Miratimi i një regjistri elektronik, publik, i cili do të garantojë transparencë për çdo profesionist të shëndetësisë që punon në strukturat publike shëndetësore lidhur me punësimin e tij privatisht.
- Kemi vendosur orë tavan për mjekët që punojnë në sektorin publik, mund të angazhohet dhe të punojë privatisht.
- Janë qartësuar masat disiplinore dhe strukturat përkatëse përgjegjëse.
- Ndryshimet në funksion të autonomisë spitalore .
- Shefat e shërbimeve.
- Një ndryshim i parashikuar në vendimet që morëm sot, drejtuesit e institucioneve publike shëndetësore e kanë të ndaluar të kenë edhe klinika private dhe të jenë drejtues shefa shërbimi.
