Nga Denada Kola Jushi
Opozita, në këto 11 vite, ka provuar të gjitha mënyrat e reagimit, por ajo që ka dominuar ka qenë bojkoti.
Bojkot në parlament, duke përfshirë djegien e mandateve.
Bojkot në zgjedhjet lokale të vitit 2019.
Bojkot në reformën territoriale.
Bojkot në komisione.
Sot, gjashtë muaj para zgjedhjeve, me liderin e tyre në arrest shtëpie dhe deputetin Ervin Salianji në burg, opozita shkon sërish në bojkot parlamentar dhe mosbindje civile.
Sa i ka vlejtur opozitës bojkoti në këto tre mandate?
Çfarë do të jetë ndryshe kësaj here?
A ka opozita një strategji afatgjatë?
Nëse Rama nuk plotëson kërkesën për qeveri teknike, cilët janë skenarët e opozitës?
Sërish bojkot?
A garanton qeveria teknike zgjedhje të lira?
A i garantoi në 2021?
Këto janë disa çështje që opozita duhet t'u japë përgjigje, por faktet deri sot kanë treguar se sa herë opozita ka bojkotuar, fituesi ka qenë një dhe vetëm një – Kryeministri Edi Rama.
